Монголын балетын бүжгийн хөгжлийг олон улсын түвшинд хүргэх зорилгоор Балетын хөгжлийн сан, Нийслэлийн соёл урлагийн газар, БСШУСЯ хамтран "Олон Улсын Балет"  тэмцээнийг Улаанбаатар хотноо амжилттай зохион байгууллаа.

Уг тэмцээнд оролцох гадаадын уран бүтээлчдийг гурван насны ангилалаар хоёр үе шаттайгаар шалгаруулсан байна.

Энэ удаагийн "Олон улсын балет" тэмцээнд 150 гаруй бүжигчид оролцсоноос  ОХУ-ын Якут, Буриад, БНСУ, Сингапур, Япон, БНХАУ-ын 30 гаруй бүжигчин оролцож туршлага солилцон шилдгүүдээ шалгарууллаа.

Тэмцээний 12-14 насны ангилалд алтан медалийг БНСУ-ын бүжигчин Joo Young Kwon, мөнгө медалийг Ju A Kim, Сингапурын бүжигчин Emily Koe, Хүрэл медалийг Б.Хулан, Сингапурын бүжигчин  Young Yee Joey Lum, БНСУ-ын бүжигчин Ji An Kim, тусгай байрыг А.Баяржавхлан, ОХУ-ын бүжигчин Ivan Odintsov нар тус тус  байр эзэллээ.

Мөн 15-18 насны ангилалд эмэгтэйчүүдээс алтан медалийг Б.Марал, мөнгөн медалийг Буриадын бүжигчин Elizaveta Boruleva, хүрэл медалийг Э.Уянга, тусгай байрыг Буриадын бүжигчин Alexandra Bogdanova нар эзэллээ. Энэ төрлийн эрэгтэйчүүдийн ангилалд алтан медалийг О.Даваадорж, мөнгөн медалийг Буриадын улсын бүжигчин Erdem Sandakov, хүрэл медалийг Буриад улсын бүжигчин Sergey Ugrumov, тусгай байрыг Буриад улсын бүжигчин Vladimir Ermolaev нар шалгарлаа.

Түүнчлэн 19-29 насны ангилалын эрэгтэйчүүдийн төрөлд  алтан медалийг Буриад улсын бүжигчин Timur Demchikov, Subedei Dangyt, мөнгөн медалийг  О.Хатанбаатар, Д.Нацагдорж,  хүрэл  медалийг Япон улсын бүжигчин Shota Onodera, тусгай байрыг А.Тэмүүлэн нар эзэлжээ. Энэ төрөлд эмэгтэйчүүдээс алтан медалийг О.Анужин, Япон улсын бүжигчин Sasaki Mana, мөнгөн медалийг Японы бүжигчин Saki Tokusima, хүрэл медалийг бүжигчин О.Олонбаяр, Ц.Хишигжаргал, тусгай байрыг БНСУ-ын бүжигчин Ji Eon Kim, Буриад улсын бүжигчин Yulia Banzaraktsaeva нар эзэллээ.

Тэмцээний орчин үеийн бүжгийн төрөлд алтан медалийг Хятадын бүжигчин Ou Rui, мөнгөн медалийг Ё.Дамчаабадгар, хүрэл медалийг Буриад улсын бүжигчин Timur Dymchikov, бүжигчин Д.Нацагдорж, Ц.Хишигжаргал нар эзэлсэн байна. 

Ийнхүү анх удаагаа зохиогдож буй "Олон Улсын Балет" тэмцээн амжилттай болж өндөрлөлөө.

Орчин үе /Contemporary/

            12-14 насны Pre Junior төрөл

15-18 насны Junior төрөл

19-29 насны Senior төрөл