Элсэлтийн ерөнхий шалгалт дуусч, мэргэжил сургуулиа сонгохоор догдолж буй залуустаа зориулж ямарч цаг үед хэзээ ч хоцрогдохгүй хэрнээ, эдийн засгийн хөгжлийг тодорхойлогч чухал бүлгийнхэн гэж нэрлэгддэг мэргэжлүүдийг танилцуулж байна.
Инженер
Хэзээ ч хоцрогдохгүй,харин ч улам их эрэлт хэрэгцээтэй болох чухал мэргэжил бол инженер. Өндөр хөгжил, тав тух, эрүүл орчин, сайн эдийн засаг, шинжлэх ухааныг инженерүүд л цогцлоодог. Тэд цаг хугацаатай ч уралдах чадвартай гайхалтай хүмүүс байдаг. Тиймээс Монгол Улсад бүтээн байгуулалт, шинэ технологийн шийдэл гаргах инженерүүд нэн чухал хэрэгтэй байна.
Эмч
Мэдээж анагаах ухаан гэдэг гайхалтай салбар. Дэлхийн эрүүл мэндийн байгууллагын 2018 оны судалгаагаар дэлхий даяар нийт 4,3 сая эрүүл мэндийн ажилтан байдаг судалгаа гарчээ. Нэг эмчид дундажаар 1000 гаруй хүн ногддог байна. Нийт 7.6 тэрбум хүн ам цааш хэд дахин өссөөр байх, эх дэлхийд эмчийн ажил чухал хэвээрээ байна.
Аялал жуулчлалын мэргэжилтэн
Өнөөдөр та Улаанбаатарт харин маргааш Африкын Танзан улсын нийслэл Додома-д Чаппати идээд, бананаас гаргаж авсан шар айраг шимээд сууж байхыг үгүйсгэхгүй. Яагаад гэвэл дэлхий хавтгай болсон. Тиймээс ч аялал жуучлалын салбар маш эрчимтэйгээр хөгжсөөр байгаа. Цаашид ч хөгжих нь дамжиггүй. Шинэ эриний хүмүүс аялах, шинийг туршин хөгжих нь боловсрол гэдгийг ойлгодог болсон. Монгол улсын хувьд онгон зэрлэг байгаль гайхалтай сайхан түүхээрээ дэлхийн анхаарлыг гойд татдаг. Тиймээс аялал жуулчлалын салбар манай улсын хөгжлийн гол хөшүүрэг байх ёстой гэдгийг дээр дооргүй онцолж байна.
Химийн инженер, эрчим хүчний инженер
Тэднийг зөвхөн лабораторид суугаад бодис найруулдаг, нөгөө нь цахилгааны утас залгадагаар төсөөлдөг бол маш том эндүүрэл юм. Эдгээр мэргэжлүүд маш өргөн далайцтай ба эрэлт хэрэгцээтэйгээрээ дэлхийд тэргүүлсээр байх аж. Химийн инженер нь хүнс, хөдөө аж ахуй, уул уурхай, ноос ноолуур, газрын тос, гоо сайхан, худалдаа зэрэг олон салбарын гол шийдвэрүүдэд нөлөөлдөг маш чухал мэргэжил юм. Харин эрчим хүчний инженер нь сэргээгдэх эрчим хүчний салбарын хөгжилд амин сүнс болсон чухал мэргэжил. Өнөө цагт бүх зүйлийг эрчим хүчтэй холбон, зөв уялдуулан ажиллах шинэ хандлага бий болсон.
Эх сурвалж: Эрдмийн гүүр боловсролын төв
