“ДАРХАН–ӨРГӨӨ” ПОЛИТЕХНИК КОЛЛЕЖИЙН ТОВЧ ТҮҮХ         

МАХН-ны  ТХ,   УТТ-ны   1976 оны   7-р сарын   2-ны  өдрийн  20-р    тогтоолоор  1977 онд анх Дархан   хотод Барилгын техникум  нэртэйгээр байгуулагдсан 37 жилийн  түүхтэй сургууль юм. Тус сургуулийг   БНМАУ-ын    гавъяат   багш    Б.Пүрэвхүү үүсгэн байгуулж анхны захирлаар нь ажиллаж байв.

Анх  5 анги бүлэг, 11 багш,    9 ажилчидтай, Баян-хонгор,  Увс,  Өвөрхангай,  Баян-өлгий, Булган, Архангай, Сэлэнгэ, Улаанбаатар хот, Эрдэнэт хот аймгуудаас 125 сурагчид барилгын техникч, материалын техникч, сантехникч, угсралтын техникч  мэргэжлээр элсэн суралцаж байв.     

Анхны хичээлийн  жилийн   нээлтийг хуучин Дарханд 1-р  ТМС-ийн  дотуур  байранд 1977 оны 10-р  сарын 12-нд  хийв.

Сургуулийн анхны төгсөлтийг  1980 онд  хийж, 25 оюутанг угсралтын техникч мэргэжлээр төгсгөж УААА-д  шилжүүлснээс  хойш  2014 онд   34 дахь төгсөлтөө  хийв.

1977  онд  тус  сургууль  нь  343.0 төгрөгийн төсөвтэй,  45.4  мянган  төгрөгийн  цалингийн   фондтой байгуулагдан, 843  ширхэг  номыг  номын  фондод авч оюутан сурагчдад үйлчилж эхэлсэн.

Тус  Барилгын  техникум  нь  1978 онд  Шинэ Дарханд  хичээлийн корпусыг шинээр хүлээн авч, 600 хүүхэд хичээллэх хичээлийн болон дадлагын байр, 250 хүүхдийн дотуур байр, 350 хүний суудалтай соёлын танхим, нэг ээлжинд 150 хүн хооллох  гуанз, 75 хүний суудалтай номын сан, спорт заалтай болж 120-иод багш ажилчидтай, 1200 оюутан сурагчидтай, сургалт, хүмүүжил, урлаг спортын ажлаа амжилттай явуулж ирсэн  билээ.

• Барилгын техникум нь ШУБЯ-ны шийдвэрээр татан буугдаж 1990 оны 7-р сард  тус сургууль нь материалын техник мэргэжлийн III  дунд сургуультай нийлж, Барилгын сургалтын төв болов.

• Барилгын сургалтын төв нь 1992 онд Барилгын шаталсан сургалтын төв болон  өөрчлөгдөв.

• Барилгын шаталсан сургалтын төв нь 2000 оны 8-р сард “Дархан-Өргөө” сургууль болж өргөжив.  “Дархан-Өргөө” сургууль нь төрийн өмчийн хэлбэрт хамаарагддаг.

• Барилгын шаталсан сургалт явуулж байсан манай сургуулийг МБСГазрын даргын 2012 оны 03 сарын 19-ны өдрийн 19 тоот тушаалаар “Дархан-Өргөө”Политехник коллеж болон ангилан өөрчлөгдлөө.

Тус сургууль нь одоо Суурь боловсрол, Мэргэжлийн боловсрол, Техникийн боловсролын 3 тэнхимтэй, 48 үндсэн багш, Захиргаа аж ахуйн албаны 39, Нийгмийн түншлэл олон нийттэй харилцах албаны-12, нийт 108 багш, ажилтан албан хаагчид, 1000 гаруй оюутан, суралцагчидтай, 250 хүүхэд хүлээн авах дотуур байр, Төвийн бүсийн арга зүйн төв, хичээлийн 4 давхар байр, дадлагын газартай, 8.3 тэр бум төгрөгийн   үндсэн хөрөнгөтэй  юм.