“Билгүүн Tулга” авто сургууль нь 1994 онд байгуулагдсан. Хичээлийн төв байр Чингэлтэй дүүргийн 3 дугаар хорооны ХХ-ний 2-р байрны 1, 6 тоотод , авто дром Баянзүрх дүүргийн 22-р хороо хуучнаар Oй 1-р баазын хашаанд байрладаг. Тээврийн хэрэгслийн “В”, “ВС”, “Д”, “Е” ангиллаар сургалт явуулдаг. Тус сургууль нь өнгөрсөн хугацаанд нийт 35000 гаруй тээврийн хэрэгслийн жолоочийг сурлагын 95-100 хувийн амжилттай төгсгөсөн. Нийт 35 багш ажиллагсадтай.  “В” ангиллаар сургалт явуулдаг 25 ширхэг сургалтын “Верна”, “Аксент” маркийн авто машин,  “ВС” ангиллаар сургалт явуулдаг 2 ширхэг “Hyundai Truck” маркийн авто машин,  “Д” ангиллаар сургалт явуулдаг “Hyundai Aero” маркийн автобус,  “E” ангиллаар сургалт явуулдаг “Зил-130 маркийн пүүлэн авто машин”, нийт 29 сургалтын авто машинтай. “Билгүүн Tулга” авто сургууль нь өнгөрсөн хугацаанд сургалтын материаллаг баазыг сайжруулахад онцгой анхаарч ажилласны дүнд тээврийн хэрэгслийн жолооч бэлтгэх сургалт явуулах өөрийн байр, авто дромтой болсон бөгөөд түүнийгээ өнөөгийн шаардлагад нийцүүлэн тохижуулсаны хүчинд сурлагын амжилт жил дараалан өссөн дүнтэй гарсан байна. Мөн анх удаа авто тренажерийн танхим тохижуулж сургалт явуулж эхэллээ. “Билгүүн Tулга” авто сургууль нь жил бүр Замын Цагдаагийн Газрын МХХэлтэс, Авто Сургуулиудын Сургалт Арга Зүйн Төв, Монголын Авто Сургууль Курсуудын Нэгдсэн Холбооноос (МАСКНХ) хамтран авто сургууль курсуудын дунд шалгаруулдаг шалгаруулалтад жил бүр амжилттай дүгнэгдэн 2000 онд “Оны тэргүүний авто сургууль” хүндэт өргөмжлөл, 2001 онд “Оны хошой аварга авто сургууль” хүндэт өргөмжлөл, 2002, 2003, 2004 онд “Шилдгийн шилдэг авто сургууль” хүндэт өргөмжлөл, 2005 онд “Топ-3” авто сургуулийн нэгээр, 2003 онд “Нийслэлийн хэрэглэгчдийн найдвартай түнш байгууллага”-аар, 2007онд “Итгэмжлэгдсэн авто сургууль” –аар тус тус шалгарч байсан.